Franu, pesniku prestreljenoga srca

peteranec26102016

Pročitajte kaj je napisala Jakupec Katica, članica Udruge žena Peteranec u spomen na Frana Galovića...

Franu, pesniku prestreljenoga srca

Znamo se pesme tvoje. Na kajkavske reči pisal si o svojem goricam, međašu Benkine, kostanju, grozdju, breskvami, lepe Kate i senu kaj z podolja tak lepo diši. Bilo je fajno pred klet si sesti, kupico zdenoga vina spiti na polne dok je vroče sonce tak jako pripeklo.

Vetri tam na Širovice i denes pušo, lastavice dojdo baš sako leto. A ti si očel i vrnol se nesi nigdar. Ostal si tam negde daleko kam si moral otiti i za se svoje doma zabiti. Vu goricaj tvoje se je tam vezda drugač. Ni „kaj“ se baš preveč ne čuje po one brege.

Nega više kostanja, kleti slamom pokrite, kuma Martina, ni stez po koje si hodal. Zrušili so, bilo je staro i dodrto, vele. Denes so tam velke hiže i asfalti o kakvemi si morti senjal dok si po temi stezami hodal. Došla je meglena, dežđevna jesen. Žoto lišče zastrlo je brege, nekoji novi međaši Benkine prešajo grozdje i koštajo mošta, čuje se pesma z drugoga brega. I zvoni zvone od Staroga grada nekakvem drugačkvem zvonom.

Naberemo cvetje za den gda si se rodil i vu smrt nam rano zanavek očel. Pak velimo: O, fala ti dragi Bože kaj si nam dal takvoga uzorita peteranskoga sina Podravine i drage nam Horvacke naše!